विमान दुर्घटनामा ७७ को मृत्यु एक जिवितै

अल्जेरिया - पूर्वी अल्जेरियाको पहाडमा सैनिक विमान दुर्घटना हुँदा ७७ जनाको ज्यान गएको यहाँको रक्षा मन्त्रालयले जनाएको छ। विमानमा यात्रारत एक जना भने जिवित रहेका छन्।

मन्त्रालयले आज जारी गरेको विज्ञप्ति अनुसार ७४ जना यात्रु र ४ सदस्यीय चालक दल रहेको सी १३० हर्कुलस विमान दुर्घटनामा परेको थियो। स्थानीय समयअनुसार हिजो बिहान ११:३७ बजे उक्त विमान रेडियो र राडरको पहुँचबाट बाहिरिएको थियो। विमान सम्पर्क बाहिर पुगेपछि तीनवटा हेलिकप्टर खोजिका लागि पठाइएको थियो। मन्त्रालयका अनुसार गन्तव्य पुग्‍नुभन्दा ५० किलोमिटर वर रहेको फोर्टाज पहाडमा विमान दुर्घटना भएको हो। विमान कन्स्टेटइनका लागि उडेको थियो।

सुरुमा अल्जेरियाका सरकारी अधिकारी मिडियाले ९९ यात्रु रहेको जनाएका थिए।