Written By : admin on June 10, 2013
भारतको प्रतिष्ठित मिडिया दैनिक भाष्करले नेपाली अभिनेत्री मनिषा कोइरालाले आत्महत्याको प्रयास गरेको समाचार प्रकाशन गरेको छ । भाष्करले आज (सोमबार)को अनलाइन संस्करणमा समाचार प्रकाशन गर्दै पति सम्राट दाहालले दिएको यातना सहन नसकेर तनावमा आएकी मनिषाले सुसाइड प्रयास गरेको भनेर लेखेको छ ।
मनिषाको आत्महत्याबारे भाष्करको समाचार कटिङ ।
‘सकिङ : ऐश से लेकर जिनत अमान तक, सब ने खाइ है प्रेमी से मार’ शीर्षकमा लेखिएको उक्त समाचारमा मनिषाले यातनाको आरोप लगाउँदै पति दाहालविरुद्ध प्रहरीमा उजुरी गरेको उल्लेख गरेको छ । प्रहरीलाई दिएको उक्त उजुरीमा मनिषाले तनावमा आएर आफूले आत्महत्याको प्रयास गरेको भनेर लेखेको भाष्करको समाचार छ ।
‘सकिङ : ऐश से लेकर जिनत अमान तक, सब ने खाइ है प्रेमी से मार’ शीर्षकमा लेखिएको उक्त समाचारमा मनिषाले यातनाको आरोप लगाउँदै पति दाहालविरुद्ध प्रहरीमा उजुरी गरेको उल्लेख गरेको छ । प्रहरीलाई दिएको उक्त उजुरीमा मनिषाले तनावमा आएर आफूले आत्महत्याको प्रयास गरेको भनेर लेखेको भाष्करको समाचार छ ।
समाचारमा जनाइएअनुसार मनिषा अहिले मुम्बईमा एक्लै बसोबास गरिरहेकी छन् । प्रेमीद्धारा यातना पाएकी बलिउड अभिनेत्री जिया खानको आत्महत्या सन्दर्भमा लेखिएको समाचारमा ऐश्वर्या राय, जीनत अमान, श्वेता तिवारी, डिम्पी महाजन, युक्ता मुखीले पनि आत्महत्याको प्रयास गरेको र प्रेमीद्धारा पीडित भएको उल्लेख छ ।
विहे भएकै वर्ष मनिषा पति सम्राटसँग अलग भएकी थिइन् । त्यसयता उनको जीवनमा ठूलो आध्यात्मिक मोड आएको बताइन्छ । मनिषाको आत्महत्या प्रयासको समाचार छाप्ने दैनिक भाष्कर भारतमा बढी पढिने र प्रतिष्ठित पत्रिका हो । टाइम्स अफ इन्डियाका अनुसार क्यान्सरमुक्त भैसकेपछि मनिषा पुनः बलिउडमा फर्किएकी छन् ।
मनिषाबारेको यो समाचार पढ्न दैनिक भाष्करको यो लिङ्कमा क्लिक गर्नुहोस् ।
No comments:
Post a Comment